Plantun de Prouvènço

Pèr coumpara dos planto d'encò nostre

Asperugo procumbens & Coronilla minima subsp. lotoides

Rapeguiéu

Asperugo procumbens

Boraginaceae

Àutri noum : Rapego-man, Rapequiéu.

Noms en français : Râpette, Portefeuille.

Descripcioun :
Lou rapeguiéu (noum generi), trachis dins lis escoumbre e li cast de fedo. Es uno planto ramificado cuberto de péu à crouchet sus li cambo coume li fueio. Li flour, pichouneto, soun d'un blu que tiro sus lou vióulet. Se recounèis subretout emé si fru en boursoun plat e denta ("calice" acreissènt) - vèire li fotò.

Usanço :
Li jóuini fueio soun manjadisso cuecho. Proche dóu bourrage, pèr d'ùni, n'en a li mémis usanço : es uno planto bono contro lou tussi e lou raumas. Lis estùdi d'aro monstron d'ùni prouprieta anti-bateriano e sedativo.

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Asperugo
Famiho : Boraginaceae

Coulour de la flour : Bluio
Petalo : 5
Ø (o loungour) flour : 3 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Abriéu à avoust

Liò : Escoumbre e proche dis oustau - Cast
Estànci : Mesoumediterran à Subaupen
Couroulougi : Paleoutemperado
Ref. sc. : Asperugo procumbens L., 1753

Fauciho(-menudo)

Coronilla minima subsp. lotoides

Fabaceae Leguminosae

Nom en français : Coronille faux lotier.

Descripcioun :
Aquelo meno de fauciho-menudo es pulèu un aubret que trachis sus cauquié. Sèmblo qu'es eisaplouïdo au contro de la meno minima que sarié tetrapouïdo. Èi pèr acò qu'èi mai grando dins tóuti si partido (planto, flour ->8 mm- e fueioun). Coumpara emé la subsp. minima adounc mai pichoto e mai coumuno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 10 à 60 cm
Fueio : coumpausado
Tipe bioulougico : Camefite
Cicle bioulougico : Planto renadivo

Gènre : Coronilla
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 8 à 12 mm
Flourido : Printèms

Sòu : Ca
Autour basso e auto : 100 à 700 m
Aparado : Noun
Remarco : Meno à 6 x
Abriéu à jun

Liò : Tepiero seco - Garrigo - Roucaio
Estànci : Mesoumediterran à Coulinen
Couroulougi : Eurimediterrano-Ouèst
Ref. sc. : Coronilla minima subsp. lotoides (W.D.J.Koch) Nyman, 1878

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Asperugo procumbens & Coronilla minima subsp. lotoides

ges

Coumpara Rapeguiéu emé uno autro planto

Coumpara Fauciho(-menudo) emé uno autro planto